2023-2024 оны хичээлийн жилд ерөнхий боловсролын сургуульд ажиллах “боловсролын сэтгэл зүйч”-ийн сонгон шалгаруулалт эхэллээ

“Боловсролын сэтгэл зүйч” шинээр ажиллуулах нийслэлийн болон орон нутгийн ерөнхий боловсролын сургуулиудын хүсэлтийг 2023 оны 06 сарын 14-ны өдрөөс 07 дугаар сарын 01-ний өдрүүдэд хүлээн авлаа.

Дараах хүсэлт илгээсэн 112 ерөнхий боловсролын сургуульд ажиллах хүсэлтэй сэтгэл зүйчид сонгон шалгаруулалтад материалаа илгээж, мэргэшүүлэх сургалтдаа хамрагдана.

Бүртгэлийн хугацаа:

2023 оны 07 дугаар сарын 03-ны өдрөөс 07 дугаар сарын 23-ны 18:00 цаг хүртэл явагдана.

Бүрдүүлэх материал:

1. Иргэний үнэмлэхийн хуулбар;

2. Төрийн албан хаагчийн анкет шивсэн байх;

3. Сэтгэл судлалаар төгссөн бакалавр болон түүнээс дээших зэргийн дипломын хуулбар;

4. Эсээ /сургуулийн сэтгэл зүйчээр мэргэшиж ерөнхий боловсролын сургуульд яагаад ажиллах сонирхолтой байгаагаа илэрхийлсэн 2-оос илүүгүй, аrial 11 фондоор А4 хуудсанд багтаан бичих/

5. Мэргэжил дээшлүүлэх сэтгэл зүйн сургалтад хамрагдсан бол гэрчлэх баримт бичгийн хуулбар

6. Өргөдөл-

(“Боловсролын ерөнхий газар”-т .................. Ажиллаж байгаа бол хаана ажилладаг тухай, Ажилд орох хүсэлтэй бол доорх сургуулиудаас сонгож \аймаг, нийслэл, сум, дүүрэг/-т хүсэлтэй байгаагаа тодорхой бичих)

Анхаарах зүйл:

"Сэтгэл судлал"-ын бакалаврын зэрэгтэй байх.

Бүрдүүлэх материал дутуу тохиолдолд сонгон шалгаруулалтад оролцох боломжгүй.

Бүрдүүлсэн материалаа нэг PDF файл болгоод \ Jargaltuya@agency.edu.mn \ цахим хаягаар дээр дурдсан хугацаанд ирүүлнэ үү.

Сонгон шалгаруулалтыг Боловсролын ерөнхий газрын даргын тушаалаар байгуулагдсан ажлын хэсэг 2 үе шаттайгаар зохион байгуулна.

I шатны шалгаруулалт: Сэтгэл зүйчдийн ирүүлсэн баримт бичгийн бүрдэл, түүний үнэн зөв эсэхийг нягталж, эсээ, өргөдөлтэй танилцана.

II шатны шалгаруулалт: Баримт бичгийн шаардлага хангасан сэтгэл зүйчдийг хоёр дахь шатны ярилцлагад урьж эцсийн шалгаруулалтыг хийнэ.

Хоёр шатны шалгаруулалтаас нийлбэр дүнгээр 60 буюу түүнээс дээш үнэлгээ авсан сэтгэл зүйчдийг “Боловсролын сэтгэл зүйч”-ийн мэргэшүүлэх 45 хоногийн сургалтад хамруулж, сертификат олгоно.

Шалгаруулалтын дүнг тухайн иргэний цахим хаягаар хариу мэдэгдэнэ. Иймд цахим хаяг болон холбогдох утасны дугаараа үнэн зөв, тодорхой бичнэ үү.

Нэмэлт мэдээлэл авахыг хүсвэл Боловсролын ерөнхий газрын мэргэжилтэн П.Жаргалтуяа / 94005969 / утсаар холбогдоно уу.