ЕБС-ИЙН НОМЫН САНД НОМ, ХЭРЭГЛЭГДЭХҮҮН НИЙЛҮҮЛЭХ, СУРАЛЦАГЧДЫН УНШИХ ЧАДВАРЫГ ХӨГЖҮҮЛЭХ ХӨТӨЛБӨР...

Боловсролын ерөнхий газар, “Уншигч” төрийн бус байгууллагатай хамтран хэрэгжүүлж буй “ЕБС-ИЙН НОМЫН САНД НОМ, ХЭРЭГЛЭГДЭХҮҮН (тавиур) НИЙЛҮҮЛЭХ, СУРАЛЦАГЧДЫН УНШИХ ЧАДВАРЫГ ХӨГЖҮҮЛЭХ ХӨТӨЛБӨР” төслийн хүрээнд 2024 оны 10 дугаар сарын 26, 27- ны өдрүүдэд International School of Ulaanbaatar-Улаанбаатар дахь Олон улсын дунд сургууль болон Amerian Corner буюу Америкийн соёл мэдээллийн төвийн байранд нийслэл, орон нутгийн төрийн өмчийн 20 сургуулийн 40 багш, номын санчдад танхимын сургалтыг зохион байгууллаа.

Сургалтыг гадаад, дотоодын сургагч багш нар дараах агуулгын хүрээнд чиглүүлэн, хэлэлцүүлэг өрнүүллээ.

ОУДС-ийн бага ангийн номын санч багш Б.Дэнзэндолгор /International School of Ulaanbaatar - Улаанбаатар дахь Олон улсын дунд сургуулийн номын сангийн үйл ажиллагаа/

ОУДС-ийн Номын санч багш Эленор Сурридж, Уншигч ТББ-ын сургалтын ажилтан Д.Мянганбаяр /Номын санч багшийн үүрэг, сургуулийн номын сангийн үнэлгээ/

ОУДС-ийн бага ангийн номын санч багш Б.Дэнзэндолгор /Сургуулийн номын сангийн үндсэн үйл ажиллагаа/

Veloo Foundation байгууллагын хөтөлбөрийн ажилтан Б.Үүрцайх /Гандис олон нийтийн номын сантай танилцах үйл ажиллагаа/

“Уншигч” ТББ-ын сургалтын ажилтан Д. Мянганбаяр /Ном унших соёлыг сургуулиудад төлөвшүүлэхэд номын сангийн үйл ажиллагааны үүрэг/

Уншигч ТББ-ын сургалтын ажилтан Д.Мянганбаяр /Сурагчдын унших чадварыг хэрхэн дэмжих вэ?/ нар сургалтыг тус тус удирдан явууллаа.

Сургууль хамтын ажиллагаанд суурилан номын сангийн материаллаг болон үйлийн орчны жишиг загварыг бий болгох зорилгоор тус төсөлд хамрагдаж буй сургуулиудын номын санд ном болон хэрэглэгдэхүүн /тавиур/ нийлүүлэх, бага ангийн сурагчдын унших чадварыг хөгжүүлэх, сургалтын хөтөлбөрийн агуулгыг бататгах, дэлгэрүүлэн судлах, танин мэдэхүй, хувь хүний хөгжил төлөвшлийг дэмжихэд чиглэн судалсан номын агуулгын хүрээнд контент бүтээх, номын сангийн орчин, үйл ажиллагааны чиглэлээр зөвлөн туслах, онлайн сургалт зохион байгуулах зэрэг арга хэмжээг хийж гүйцэтгэнэ.