"Pearson" хөтөлбөрийн мастер багш нарын сургалт зохион байгуулагдаж байна.
Монгол Улсын хэмжээнд 2022 оноос эхлэн Ерөнхий боловсролын сургуульд Pearson хөтөлбөрийн дагуу англи хэл зааж байна. Багш нарын мэдлэг, ур чадварыг нэмэгдүүлэх, хичээл сургалтын үйл ажиллагааг чанаржуулахын тулд үе шаттай сургалтуудыг тогтмол зохион байгуулдаг. Энэ удаад мастер багш нарыг бэлтгэж байна. Мастер багш нарын сургалтад нийслэл болон хөдөө орон нутгийн 40 багш хамрагдаж байна. Сургалтад хамрагдаж сертификат авсан багш нар өөрийн чадавхаа сайжруулахаас гадна ижил мэргэжлийн бусад багш нартаа дэмжлэг үзүүлэх юм. Энэ удаагийн сургалтыг Pearson олон улсын байгууллагын сургагч багш Grant Kempton удирдаж байна. Бямба гарагт хувийн сургуулийн багш нарын сургалт эхэлсэн бол өнөөдөр орон нутгаас сонгогдсон багш нар танхимын сургалтад хамрагдаж байна.
Төстэй мэдээ